کسی کو دے کے دل کوئی نوا سنجِ فغاں کیوں ہو
نہ ہو جب دل ہی سینے میں تو پھر منہ میں زباں کیوں ہو
Kisi ko de ke dil koi nawa-sanj-e-fughan kyun ho
Na ho jab dil hi seene mein to phir munh mein zaban kyun ho
وہ اپنی خو نہ چھوڑیں گے ہم اپنی وضع کیوں چھوڑیں
سبک سر بن کے کیا پوچھیں کہ ہم سے سر گراں کیوں ہو
Woh apni khu na chhodenge hum apni waza kyun chhoden
Subuk-sar ban ke kya poochhen ki hum se sar-giran kyun ho
کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو
Kiya ghamkhwar ne ruswa lage aag is mohabbat ko
Na lawe taab jo gham ki woh mera raazdan kyun ho
وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگِ آستاں کیوں ہو
Wafa kaisi kahan ka ishq jab sar phodna thehra
To phir ai sang-dil tera hi sang-e-aastan kyun ho
قفس میں مجھ سے رودادِ چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو
Qafas mein mujh se rudad-e-chaman kahte na dar hamdam
Giri hai jis pe kal bijli woh mera aashiyan kyun ho
یہ کہہ سکتے ہو 'ہم دل میں نہیں ہیں' پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو
Ye kah sakte ho hum dil mein nahin hain par ye batlao
Ki jab dil mein tumhin tum ho to aankhon se nihan kyun ho
غلط ہے جذبِ دل کا شکوہ دیکھو جرم کس کا ہے
نہ کھینچو گر تم اپنے کو، کشاکش درمیاں کیوں ہو
Ghalat hai jazb-e-dil ka shikwa dekho jurm kis ka hai
Na khencho gar tum apne ko kashakash darmiyan kyun ho
یہ فتنہ آدمی کی خانہ ویرانی کو کیا کم ہے
ہوئے تم دوست جس کے، دشمن اس کا آسماں کیوں ہو
Ye fitna aadmi ki khana-veerani ko kya kam hai
Hue tum dost jis ke dushman us ka aasman kyun ho
یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
Yahi hai aazmana to satana kis ko kahte hain
Adoo ke ho liye jab tum to mera imtihan kyun ho
کہا تم نے کہ کیوں ہو غیر کے ملنے میں رسوائی
بجا کہتے ہو، سچ کہتے ہو، پھر کہیو کہ ہاں کیوں ہو
Kaha tum ne ki kyun ho ghair ke milne mein ruswai
Baja kahte ho sach kahte ho phir kahiyo ki haan kyun ho
نکالا چاہتا ہے کام کیا طعنوں سے تو غالب
ترے بے مہر کہنے سے وہ تجھ پر مہرباں کیوں ہو
Nikala chahta hai kaam kya taanon se tu Ghalib
Tere be-mehr kahne se woh tujh par mehrban kyun ho
