نہ ہوئی گر مرے مرنے سے تسلی نہ سہی
امتحاں اور بھی باقی ہو تو یہ بھی نہ سہی
Na hui gar mere marne se tasalli na sahi
Imtihan aur bhi baaqi ho to ye bhi na sahi
خار خار الم حسرت دیدار تو ہے
شوق گلچین گلستان تسلی نہ سہی
Khar-khar-e-alam-e-hasrat-e-deedar to hai
Shauq gulchin-e-gulistan-e-tasalli na sahi
مے پرستاں خم مے منہ سے لگائے ہی بنے
ایک دن گر نہ ہوا بزم میں ساقی نہ سہی
Mai-parastan khum-e-mai munh se lagaye hi bane
Ek din gar na hua bazm mein saqi na sahi
نفس قیس کہ ہے چشم و چراغ صحرا
گر نہیں شمع سیہ خانۂ لیلی نہ سہی
Nafas-e-Qais ki hai chashm-o-chiragh-e-sahra
Gar nahin sham'a-e-siyah-khana-e-Laila na sahi
ایک ہنگامے پہ موقوف ہے گھر کی رونق
نوحۂ غم ہی سہی نغمۂ شادی نہ سہی
Ek hangame pe mauqoof hai ghar ki raunaq
Nauha-e-gham hi sahi naghma-e-shadi na sahi
نہ ستائش کی تمنا نہ صلے کی پروا
گر نہیں ہیں مرے اشعار میں معنی نہ سہی
Na sataish ki tamanna na sile ki parwa
Gar nahin hain mere ash'aar mein ma'ni na sahi
عشرت صحبت خوباں ہی غنیمت سمجھو
نہ ہوئی غالبؔ اگر عمر طبیعی نہ سہی
Ishrat-e-sohbat-e-khooban hi ghanimat samjho
Na hui Ghalib agar umr-e-tabee'i na sahi
