ہر ایک بات پہ کہتے ہو تم کہ تو کیا ہے
تمہیں کہو کہ یہ انداز گفتگو کیا ہے
Har ek baat pe kahte ho tum ki tu kya hai
Tumhin kaho ki ye andaz-e-guftagu kya hai
نہ شعلے میں یہ کرشمہ نہ برق میں یہ ادا
کوئی بتاؤ کہ وہ شوخ تند خو کیا ہے
Na shole mein ye karishma na barq mein ye ada
Koi batao ki woh shokh-e-tund-khu kya hai
یہ رشک ہے کہ وہ ہوتا ہے ہم سخن تم سے
وگرنہ خوف بد آموزی عدو کیا ہے
Ye rashk hai ki woh hota hai hum-sukhan tum se
Wagarna khauf-e-bad-aamozi-e-adu kya hai
چپک رہا ہے بدن پر لہو سے پیراہن
ہمارے جیب کو اب حاجت رفو کیا ہے
Chipak raha hai badan par lahu se pairahan
Hamare jeb ko ab hajat-e-rafu kya hai
جلا ہے جسم جہاں دل بھی جل گیا ہوگا
کریدتے ہو جو اب راکھ جستجو کیا ہے
Jala hai jism jahan dil bhi jal gaya hoga
Kuredte ho jo ab raakh justuju kya hai
پیوں شراب اگر خم بھی دیکھ لوں دو چار
یہ شیشہ و قدح و کوزہ و سبو کیا ہے
Piyun sharab agar khum bhi dekh loon do chaar
Ye sheesha-o-qadah-o-koza-o-subu kya hai
رہی نہ طاقت گفتار اور اگر ہو بھی
تو کس امید پہ کہیے کہ آرزو کیا ہے
Rahi na taqat-e-guftar aur agar ho bhi
To kis ummeed pe kahiye ki aarzoo kya hai
ہوا ہے شہ کا مصاحب پھرے ہے اتراتا
وگرنہ شہر میں غالبؔ کی آبرو کیا ہے
Hua hai shah ka musahib phire hai itrata
Wagarna shahr mein Ghalib ki aabroo kya hai
