حسن مہ گرچہ بہ ہنگام کمال اچھا ہے
اس سے میرا مہ خورشید جمال اچھا ہے
Husn-e-mah garche ba-hangam-e-kamal achchha hai
Us se mera mah-e-khurshid-jamal achchha hai
بوسہ دیتے نہیں اور دل پہ ہے ہر لحظہ نگاہ
جی میں کہتے ہیں کہ مفت آئے تو مال اچھا ہے
Bosa dete nahin aur dil pe hai har lahza nigah
Ji mein kahte hain ki muft aaye to maal achchha hai
اور بازار سے لے آئے اگر ٹوٹ گیا
ساغر جم سے مرا جام سفال اچھا ہے
Aur bazaar se le aaye agar toot gaya
Saghar-e-Jam se mera jaam-e-sifal achchha hai
بے طلب دیں تو مزہ اس میں سوا ملتا ہے
وہ گدا جس کو نہ ہو خوئے سوال اچھا ہے
Be-talab den to maza us mein siwa milta hai
Woh gada jis ko na ho khu-e-sawal achchha hai
ان کے دیکھے سے جو آ جاتی ہے منہ پر رونق
وہ سمجھتے ہیں کہ بیمار کا حال اچھا ہے
Un ke dekhe se jo aa jaati hai munh par raunaq
Woh samajhte hain ki beemar ka haal achchha hai
ہم سخن تیشے نے فرہاد کو شیریں سے کیا
جس طرح کا کہ کسی میں ہو کمال اچھا ہے
Hum-sukhan teshe ne Farhad ko Shirin se kiya
Jis tarah ka ki kisi mein ho kamal achchha hai
قطرہ دریا میں جو مل جائے تو دریا ہو جائے
کام اچھا ہے وہ جس کا کہ مآل اچھا ہے
Qatra darya mein jo mil jaaye to darya ho jaaye
Kaam achchha hai woh jis ka ki ma'aal achchha hai
