بے اعتدالیوں سے سبک سب میں ہم ہوئے
جتنے زیادہ ہو گئے اتنے ہی کم ہوئے
Be-e'tidaliyon se subuk sab mein hum hue
Jitne ziyada ho gaye utne hi kam hue
پنہاں تھا دام سخت قریب آشیان کے
اڑنے نہ پائے تھے کہ گرفتار ہم ہوئے
Pinhan tha daam sakht qareeb aashiyan ke
Udne na paaye the ki giraftar hum hue
ہستی ہماری اپنی فنا پر دلیل ہے
یاں تک مٹے کہ آپ ہم اپنی قسم ہوئے
Hasti hamari apni fana par daleel hai
Yaan tak mite ki aap hum apni qasam hue
سختی کشان عشق کی پوچھے ہے کیا خبر
وہ لوگ رفتہ رفتہ سراپا الم ہوئے
Sakhti-kashan-e-ishq ki poochhe hai kya khabar
Woh log rafta rafta sarapa alam hue
تیری وفا سے کیا ہو تلافی کہ دہر میں
تیرے سوا بھی ہم پہ بہت سے ستم ہوئے
Teri wafa se kya ho talafi ki dahr mein
Tere siwa bhi hum pe bahut se sitam hue
لکھتے رہے جنوں کی حکایات خوں چکاں
ہر چند اس میں ہاتھ ہمارے قلم ہوئے
Likhte rahe junoon ki hikayat-e-khoon-chakan
Har-chand is mein haath hamare qalam hue
اللہ رے تیری تندی خو جس کے بیم سے
اجزائے نالہ دل میں مرے رزق ہم ہوئے
Allah re teri tundi-e-khu jis ke beem se
Ajza-e-nala dil mein mere rizq-e-hum hue
اہل ہوس کی فتح ہے ترک نبرد عشق
جو پاؤں اٹھ گئے وہی ان کے علم ہوئے
Ahl-e-hawas ki fatah hai tark-e-nabard-e-ishq
Jo paaon uth gaye wahi un ke alam hue
نالے عدم میں چند ہمارے سپرد تھے
جو واں نہ کھنچ سکے سو وہ یاں آ کے دم ہوئے
Nale adam mein chand hamare supurd the
Jo waan na khinch sake so woh yaan aa ke dam hue
چھوڑی اسدؔ نہ ہم نے گدائی میں دل لگی
سائل ہوئے تو عاشق اہل کرم ہوئے
Chhodi Asad na hum ne gadai mein dil-lagi
Sail hue to aashiq-e-ahl-e-karam hue
