دل سے تری نگاہ جگر تک اتر گئی
دونوں کو اک ادا میں رضامند کر گئی
Dil se teri nigah jigar tak utar gayi
Donon ko ek ada mein raza-mand kar gayi
شق ہو گیا ہے سینہ خوشا لذت فراغ
تکلیف پردہ داری زخم جگر گئی
Shaq ho gaya hai seena khusha lazzat-e-faragh
Takleef-e-parda-dari-e-zakhm-e-jigar gayi
وہ بادۂ شبانہ کی سرمستیاں کہاں
اٹھیے بس اب کہ لذت خواب سحر گئی
Woh bada-e-shabana ki sar-mastiyan kahan
Uthiye bas ab ki lazzat-e-khwab-e-sahar gayi
اڑتی پھرے ہے خاک مری کوئے یار میں
بارے اب اے ہوا ہوس بال و پر گئی
Udti phire hai khaak meri koo-e-yaar mein
Baare ab ae hawa hawas-e-baal-o-par gayi
دیکھو تو دل فریبی انداز نقش پا
موج خرام یار بھی کیا گل کتر گئی
Dekho to dil-farebi-e-andaz-e-naqsh-e-pa
Mauj-e-khiram-e-yaar bhi kya gul katar gayi
ہر بوالہوس نے حسن پرستی شعار کی
اب آبروئے شیوۂ اہل نظر گئی
Har bul-hawas ne husn-parasti sha'ar ki
Ab aabroo-e-sheva-e-ahl-e-nazar gayi
نظارہ نے بھی کام کیا واں نقاب کا
مستی سے ہر نگہ ترے رخ پر بکھر گئی
Nazzare ne bhi kaam kiya waan naqab ka
Masti se har nigah tere rukh par bikhar gayi
مارا زمانے نے اسداللہ خاں تمہیں
وہ ولولے کہاں وہ جوانی کدھر گئی
Mara zamane ne Asadullah Khan tumhen
Woh walwale kahan woh jawani kidhar gayi
