تا بہ مقدور انتظار کیا
دل نے اب زور بے قرار کیا
ta-ba-maqdur intizar kiya
dil ne ab zor be-qarar kiya
دشمنی ہم سے کی زمانے نے
کہ جفاکار تجھ سا یار کیا
dushmani ham se ki zamane ne
ki jafa-kar tujh sa yaar kiya
یہ توہم کا کارخانہ ہے
یاں وہی ہے جو اعتبار کیا
ye tavahhum ka karkhana hai
yaan vahi hai jo e'tibar kiya
صد رگ جاں کو تاب دے باہم
تیری زلفوں کا ایک تار کیا
sad rag-e-jaan ko taab de baham
teri zulfon ka ek taar kiya
ہم فقیروں سے بے ادائی کیا
آن بیٹھے جو تم نے پیار کیا
ham faqiron se be-adai kya
aan baithe jo tum ne pyar kiya
