سنا ہے حال ترے کشتگاں بیچاروں کا
ہوا نہ گور گڑھا ان ستم کے ماروں کا
Suna hai haal tere kushtagan bechaaron ka
Hua na gor gadha un sitam ke maaron ka
ہزار رنگ کھلے گل چمن کے ہیں شاہد
کہ روزگار کے سر خون ہے ہزاروں کا
Hazar rang khile gul chaman ke hain shahid
Ki rozgar ke sar khoon hai hazaron ka
ملا ہے خاک میں کس کس طرح کا عالم یاں
نکل کے شہر سے ٹک سیر کر مزاروں کا
Mila hai khaak mein kis kis tarah ka aalam yaan
Nikal ke shehar se tuk sair kar mazaron ka
عرق فشانی سے اس زلف کی ہراساں ہوں
بھلا نہیں ہے بہت ٹوٹنا بھی تاروں کا
Araq-fishani se us zulf ki harasan hoon
Bhala nahin hai bahut tootna bhi taaron ka
علاج کرتے ہیں سودائے عشق کا میرے
خلل پذیر ہوا ہے دماغ یاروں کا
Ilaj karte hain sauda-e-ishq ka mere
Khalal-pazeer hua hai dimagh yaaron ka
خراش سینۂ عاشق بھی دل کو لگ جائے
عجب طرح کا ہے فرقہ یہ دل فگاروں کا
Kharash-e-seena-e-aashiq bhi dil ko lag jaaye
Ajab tarah ka hai firqa ye dil-figaron ka
نگاہ مست کے مارے تری خراب ہیں شوخ
نہ ٹھور ہے نہ ٹھکانا ہے ہوشیاروں کا
Nigah-e-mast ke maare teri kharab hain shokh
Na thaur hai na thikana hai hoshiyaron ka
کریں ہیں دعویٰ خوش چشمی آہوان دشت
ٹک ایک دیکھنے چل ملک ان گنواروں کا
Karen hain dawa-e-khush-chashmi aahuan-e-dasht
Tuk ek dekhne chal mulk un ganwaron ka
تڑپ کے خرمن گل پر کبھی گر اے بجلی
جلانا کیا ہے مرے آشیاں کے خاروں کا
Tadap ke kharman-e-gul par kabhi gir ae bijli
Jalana kya hai mere aashiyan ke khaaron ka
اٹھے ہے گرد کی جا نالہ گور سے اس کی
غبار میرؔ بھی عاشق ہے نے سواروں کا
Uthe hai gard ki ja nala gor se us ki
Ghubar-e-Mir bhi aashiq hai ne sawaron ka
