شوق ہے تو ہے اس کا گھر نزدیک
دوری رہ ہے راہ بر نزدیک
Shauq hai to hai us ka ghar nazdeek
Doori-e-reh hai raah-bar nazdeek
آہ کرنے میں دم کو سادھے رہ
کہتے ہیں دل سے ہے جگر نزدیک
Aah karne mein dam ko saadhe reh
Kahte hain dil se hai jigar nazdeek
دور والوں کو بھی نہ پہنچے ہم
یہی نہ تم سے ہیں مگر نزدیک
Door walon ko bhi na pahunche hum
Yahi na tum se hain magar nazdeek
ڈوبیں دریا و کوہ و شہر و دشت
تجھ سے سب کچھ ہے چشم تر نزدیک
Doobein darya-o-koh-o-shahr-o-dasht
Tujh se sab kuchh hai chashm-e-tar nazdeek
حرف دوری ہے گرچہ انشا لیک
دیجو خط جا کے نامہ بر نزدیک
Harf-e-doori hai garche insha lek
Deejo khat ja ke nama-bar nazdeek
دور اب بیٹھتے ہیں مجلس میں
ہم جو تم سے تھے بیشتر نزدیک
Door ab baithte hain majlis mein
Hum jo tum se the beshtar nazdeek
خبر آتی ہے سو بھی دور سے یاں
آؤ یک بار بے خبر نزدیک
Khabar aati hai so bhi door se yaan
Aao yak baar be-khabar nazdeek
دور پھرنے کا ہم سے وقت گیا
پوچھ کچھ حال بیٹھ کر نزدیک
Door phirne ka hum se waqt gaya
Poochh kuchh haal baith kar nazdeek
مر بھی رہ میرؔ شب بہت رویا
ہے مری جان اب سحر نزدیک
Mar bhi reh Mir shab bahut roya
Hai meri jaan ab sahar nazdeek
