سمجھے تھے میرؔ ہم کہ یہ ناسور کم ہوا
پھر ان دنوں میں دیدۂ خوں بار نم ہوا
Samjhe the Mir hum ke ye nasoor kam hua
Phir in dinon mein deeda-e-khoon-baar nam hua
آئے برنگ ابر عرق ناک تم ادھر
حیران ہوں کہ آج کدھر کو کرم ہوا
Aaye ba-rang-e-abr araq-naak tum idhar
Hairan hun ke aaj kidhar ko karam hua
تجھ بن شراب پی کے موئے سب ترے خراب
ساقی بغیر تیرے انہیں جام سم ہوا
Tujh bin sharab pi ke mue sab tere kharab
Saqi baghair tere unhen jaam samm hua
خانہ خراب کس کا کیا تیری چشم نے
تھا کون یوں جسے تو نصیب ایک دم ہوا
Khana-kharab kis ka kiya teri chashm ne
Tha kaun yun jise tu naseeb ek dam hua
تلوار کس کے خون میں سر ڈوب ہے تری
یہ کس اجل رسیدہ کے گھر پر ستم ہوا
Talwar kis ke khoon mein sar-doob hai teri
Ye kis ajal-raseeda ke ghar par sitam hua
افسوس کی بھی چشم تھی ان سے خلاف عقل
بار علاقہ سے تو عبث پشت خم ہوا
Afsos ki bhi chashm thi un se khilaf-e-aql
Baar-e-alaqa se to abas pusht kham hua
اہل جہاں ہیں سارے ترے جیتے جی تلک
پوچھیں گے بھی نہ بات جہاں تو عدم ہوا
Ahl-e-jahan hain saare tere jeete-ji talak
Poochhen ge bhi na baat jahan tu adam hua
کیا کیا عزیز دوست ملے میرؔ خاک میں
نادان یاں کسو کا کسو کو بھی غم ہوا
Kya kya aziz dost mile Mir khaak mein
Nadan yaan kisu ka kisu ko bhi gham hua
