رمق ایک جان وبال ہے کوئی دم جو ہے تو عذاب ہے
دل داغ گشتہ کباب ہے جگر گداختہ آب ہے
Ramaq ek jaan-e-wabal hai koi dam jo hai to azaab hai
Dil-e-daagh-gashta kabab hai jigar-e-gudakhta aab hai
مری خلق محو کلام سب مجھے چھوڑتے ہیں خموش کب
مرا حرف رشک کتاب ہے مری بات لکھنے کا باب ہے
Meri khalq mahv-e-kalam sab mujhe chhodte hain khamosh kab
Mera harf rashk-e-kitab hai meri baat likhne ka baab hai
جو وہ لکھتا کچھ بھی تو نامہ بر کوئی رہتی منہ میں ترے نہاں
تری خامشی سے یہ نکلے ہے کہ جواب خط کا جواب ہے
Jo woh likhta kuchh bhi to nama-bar koi rahti munh mein tere nihan
Teri khamushi se ye nikle hai ke jawab khat ka jawab hai
رہے حال دل کا جو ایک سا تو رجوع کرتے کہیں بھلا
سو تو یہ کبھو ہمہ داغ ہے کبھو نیم سوز کباب ہے
Rahe haal dil ka jo ek sa to rujoo karte kahin bhala
So to ye kabhu hama-daagh hai kabhu neem-soz kabab hai
کہیں گے کہو تمہیں لوگ کیا یہی آرسی یہی تم سدا
نہ کسو کی تم کو ہے ٹک حیا نہ ہمارے منہ سے حجاب ہے
Kahenge kaho tumhen log kya yahi aarsi yahi tum sada
Na kisu ki tum ko hai tuk haya na hamare munh se hijab hai
چلو میکدے میں بسر کریں کہ رہی ہے کچھ برکت وہیں
لب نا توواں کا کباب ہے دم آب واں کا شراب ہے
Chalo maikade mein basar karen ke rahi hai kuchh barakat wahin
Lab-e-na-tawan ka kabab hai dam-e-aab waan ka sharab hai
نہیں کھلتیں آنکھیں تمہاری ٹک کہ مآل پر بھی نظر کرو
یہ جو وہم کی سی نمود ہے اسے خوب دیکھو تو خواب ہے
Nahin khultin aankhen tumhari tuk ke maal par bhi nazar karo
Ye jo wahm ki si namood hai use khoob dekho to khwab hai
گئے وقت آتے ہیں ہاتھ کب ہوئے ہیں گنوا کے خراب سب
تجھے کرنا ہووے سو کر تو اب کہ یہ عمر برق شتاب ہے
Gaye waqt aate hain haath kab hue hain ganwa ke kharab sab
Tujhe karna howe so kar tu ab ke ye umr barq-shitab hai
کبھو لطف سے نہ سخن کیا کبھو بات کہہ نہ لگا لیا
یہی لحظہ لحظہ خطاب ہے وہی لمحہ لمحہ عتاب ہے
Kabhu lutf se na sukhan kiya kabhu baat keh na laga liya
Yahi lahza lahza khitab hai wahi lamha lamha itab hai
تو جہاں کے بحر عمیق میں سر پر ہوا نہ بلند کر
کہ یہ پنج روزہ جو بود ہے کسو موج پر کا حباب ہے
Tu jahan ke bahr-e-amiq mein sar-e-pur-hawa na buland kar
Ke ye panj-roza jo bood hai kisu mauj par ka habab hai
مرا شور سن کے جو لوگوں نے کیا پوچھنا تو کہے ہے کیا
جسے میرؔ کہتے ہیں صاحبو یہ وہی تو خانہ خراب ہے
Mera shor sun ke jo logon ne kiya poochhna to kahe hai kya
Jise Mir kahte hain sahibo ye wahi to khana-kharab hai
