جب نام ترا لیجیے تب چشم بھر آوے
اس زندگی کرنے کو کہاں سے جگر آوے
jab naam tira lijiye tab chashm bhar aawe
is zindagi karne ko kahan se jigar aawe
کیا جانیں وے مرغان گرفتار چمن کو
جن تک کہ بصد ناز نسیم سحر آوے
kya jaanen we murghan-e-giraftar chaman ko
jin tak ki ba-sad naaz nasim-e-sahar aawe
تو صبح قدم رنجہ کرے ٹک تو ہے ورنہ
کس واسطے عاشق کی شب غم بسر آوے
tu subh qadam-ranja kare tuk to hai warna
kis waste aashiq ki shab-e-gham basar aawe
دیواروں سے سر مارتے پھرنے کا گیا وقت
اب تو ہی مگر آپ کبھو در سے در آوے
deewaron se sar marte phirne ka gaya waqt
ab tu hi magar aap kabhu dar se dar aawe
صناع ہیں سب خوار ازاں جملہ ہوں میں بھی
ہے عیب بڑا اس میں جسے کچھ ہنر آوے
sanna' hain sab khwar azan jumla hun main bhi
hai aib bada us mein jise kuchh hunar aawe
اے وہ کہ تو بیٹھا ہے سر راہ پہ زنہار
کہیو جو کبھو میرؔ بلاکش ادھر آوے
ai woh ki tu baitha hai sar-e-rah pe zinhar
kahiyo jo kabhu Mir bala-kash idhar aawe
