ہم بھی پھرتے ہیں یک حشم لے کر
دستۂ داغ و فوج غم لے کر
Hum bhi phirte hain yak hasham le kar
Dasta-e-daagh-o-fauj-e-gham le kar
مرگ اک ماندگی کا وقفہ ہے
یعنی آگے چلیں گے دم لے کر
Marg ik mandagi ka waqfa hai
Yaani aage chalenge dam le kar
اس کے اوپر کہ دل سے تھا نزدیک
غم دوری چلے ہیں ہم لے کر
Us ke oopar ke dil se tha nazdeek
Gham-e-doori chale hain hum le kar
تیری وضع ستم سے اے بے درد
ایک عالم گیا الم لے کر
Teri waza-e-sitam se ae be-dard
Ek aalam gaya alam le kar
ضعف یاں تک کھنچا کہ صورت گر
رہ گئے ہاتھ میں قلم لے کر
Za'f yaan tak khincha ke soorat-gar
Rah gaye haath mein qalam le kar
دل پہ کب اکتفا کرے ہے عشق
جائے گا جان بھی یہ غم لے کر
Dil pe kab iktifa kare hai ishq
Jaaye ga jaan bhi ye gham le kar
شوق اگر ہے یہی تو اے قاصد
ہم بھی آتے ہیں اب رقم لے کر
Shauq agar hai yahi to ae qasid
Hum bhi aate hain ab raqam le kar
میرؔ صاحب ہی چوکے اے بد عہد
ورنہ دینا تھا دل قسم لے کر
Mir sahib hi chooke ae bad-ahd
Warna dena tha dil qasam le kar
