گل کو محبوب ہم قیاس کیا
فرق نکلا بہت جو پاس کیا
gul ko mahbub ham-qayas kiya
farq nikla bahut jo paas kiya
دل نے ہم کو مثال آئینہ
ایک عالم کا روشناس کیا
dil ne ham ko misal-e-aina
ek aalam ka roshnas kiya
کچھ نہیں سوجھتا ہمیں اس بن
شوق نے ہم کو بے حواس کیا
kuchh nahin sujhta hamen us bin
shauq ne ham ko be-havas kiya
عشق میں ہم ہوئے نہ دیوانے
قیس کی آبرو کا پاس کیا
ishq mein ham hue na divane
Qais ki aabru ka paas kiya
دور سے چرخ کے نکل نہ سکے
ضعف نے ہم کو مورطاس کیا
daur se charkh ke nikal na sake
zof ne ham ko murtas kiya
صبح تک شمع سر کو دھنتی رہی
کیا پتنگے نے التماس کیا
subh tak sham'a sar ko dhunti rahi
kya patange ne iltimas kiya
تجھ سے کیا کیا توقعیں تھیں ہمیں
سو ترے ظلم نے نراس کیا
tujh se kya kya tavaqqo'en thin hamen
so tire zulm ne niras kiya
ایسے وحشی کہاں ہیں اے خوباں
میرؔ کو تم عبث اداس کیا
aise vahshi kahan hain ai khuban
'Mir' ko tum abas udas kiya
