چلتے ہو تو چمن کو چلئے کہتے ہیں کہ بہاراں ہے
پات ہرے ہیں پھول کھلے ہیں کم کم باد و باراں ہے
chalte ho to chaman ko chaliye kahte hain ki baharan hai
paat hare hain phool khile hain kam kam baad-o-baran hai
رنگ ہوا سے یوں ٹپکے ہے جیسے شراب چواتے ہیں
آگے ہو مے خانے کے نکلو عہد بادہ گساراں ہے
rang hawa se yun tapke hai jaise sharab chuate hain
aage ho mai-khane ke niklo ahd-e-bada-gusaran hai
عشق کے میداں داروں میں بھی مرنے کا ہے وصف بہت
یعنی مصیبت ایسی اٹھانا کار کار گزاراں ہے
ishq ke maidan-daron mein bhi marne ka hai wasf bahut
yaani musibat aisi uthana kaar-e-kaar-guzaran hai
دل ہے داغ جگر ہے ٹکڑے آنسو سارے خون ہوئے
لوہو پانی ایک کرے یہ عشق لالہ عذاراں ہے
dil hai dagh jigar hai tukde aansu saare khoon hue
lohu paani ek kare ye ishq-e-lala-izaran hai
کوہ کن و مجنوں کی خاطر دشت و کوہ میں ہم نہ گئے
عشق میں ہم کو میرؔ نہایت پاس عزت داراں ہے
koh-kan-o-Majnun ki khatir dasht-o-koh mein hum na gaye
ishq mein hum ko Mir nihayat paas-e-izzat-daran hai
