بنی تھی کچھ اک اس سے مدت کے بعد
سو پھر بگڑی پہلی ہی صحبت کے بعد
bani thi kuchh ik us se muddat ke baad
so phir bigdi pahli hi sohbat ke baad
موا کوہ کن بے ستوں کھود کر
یہ راحت ہوئی ایسی محنت کے بعد
mua koh-kan be-sutun khod kar
ye rahat hui aisi mehnat ke baad
لگا آگ پانی کو دوڑے ہے تو
یہ گرمی تری اس شرارت کے بعد
laga aag pani ko daude hai tu
ye garmi tiri is shararat ke baad
کہے کو ہمارے کب ان نے سنا
کوئی بات مانی سو منت کے بعد
kahe ko hamare kab un ne suna
koi baat maani so minnat ke baad
سخن کی نہ تکلیف ہم سے کرو
لہو ٹپکے ہے اب شکایت کے بعد
sukhan ki na takleef ham se karo
lahu tapke hai ab shikayat ke baad
نظر میرؔ نے کیسی حسرت سے کی
بہت روئے ہم اس کی رخصت کے بعد
nazar 'Mir' ne kaisi hasrat se ki
bahut roe ham us ki rukhsat ke baad
