بارے دنیا میں رہو غم زدہ یا شاد رہو
ایسا کچھ کر کے چلو یاں کہ بہت یاد رہو
Baare duniya mein raho gham-zada ya shad raho
Aisa kuchh kar ke chalo yan ki bahut yaad raho
عشق پیچے کی طرح حسنِ گرفتاری ہے
لطف کیا سرو کی مانند گر آزاد رہو
Ishq-peche ki tarah husn-e-giraftari hai
Lutf kya sarv ki manind gar aazad raho
ہم کو دیوانگی شہروں ہی میں خوش آتی ہے
دشت میں قیس رہو کوہ میں فرہاد رہو
Ham ko diwangi shahron hi mein khush aati hai
Dasht mein Qais raho koh mein Farhad raho
وہ گراں خواب جو ہے ناز کا اپنے سو ہے
داد بیداد رہو شب کو کہ فریاد رہو
Wo giran-khwab jo hai naz ka apne so hai
Daad bedad raho shab ko ki fariyad raho
میرؔ ہم مل کے بہت خوش ہوئے تم سے پیارے
اس خرابے میں مری جان تم آباد رہو
Mir ham mil ke bahut khush hue tum se pyare
Is kharabe mein meri jaan tum aabad raho
