پوشیدہ جب ہو راز کہ منہ میں زباں نہ ہو
ہم بات بھی کریں تو بغیر از فغاں نہ ہو
poshida jab ho raaz ki munh mein zaban na ho
hum baat bhi karen to baghair az fughan na ho
لے جائیں آہ مجھ کو مری بدگمانیاں
ظالم وہاں کہ تیرا پتہ بھی جہاں نہ ہو
le jaaen aah mujh ko miri badgumaniyan
zalim vahan ki tera pata bhi jahan na ho
نیرنگیٔ چمن جو مجھے یاد آ گئی
گل پر ہوا گمان کہ برگ خزاں نہ ہو
nairangi-e-chaman jo mujhe yaad aa gai
gul par hua guman ki barg-e-khizan na ho
تم کو مزہ نہ دے گی کبھی داستان عشق
جب تک ہمارے منہ سے یہ قصہ بیاں نہ ہو
tum ko maza na degi kabhi dastan-e-ishq
jab tak hamare munh se ye qissa bayan na ho
ناقہ کو قیس کیا نہ لگا لائے راہ پر
لیلیٰ کا رازدار اگر سارباں نہ ہو
naqa ko Qais kya na laga laae raah par
Laila ka raazdar agar sarban na ho
