مجال کس کی ہے اے ستم گر سنائے تجھ کو جو چار باتیں
بھلا کیا اعتبار تو نے ہزار منہ ہیں ہزار باتیں
majal kis ki hai ai sitamgar sunae tujh ko jo chaar baaten
bhala kiya etibar tu ne hazar munh hain hazar baaten
فسانۂ درد و غم سنایا تو بولے وہ جھوٹ بولتا ہے
سنی ہوئی ہے بہت کہانی نہ ہم سے ایسی بگھار باتیں
fasana-e-dard-o-gham sunaya to bole vo jhuT bolta hai
suni hui hai bahut kahani na ham se aisi baghar baaten
ابھی سے ہے کچھ اداس قاصد ابھی سے ہے بد حواس قاصد
سنبھل سنبھل کر سمجھ سمجھ کر کرے گا کیا بے قرار باتیں
abhi se hai kuchh udas qasid abhi se hai bad-havas qasid
sambhal sambhal kar samajh samajh kar karega kya be-qarar baaten
تمہاری تحریر میں ہے پہلو تمہاری تقریر میں ہے جادو
پھنسے نہ کس طرح دل ہمارا جہاں ہوں یہ پیچ دار باتیں
tumhari tahrir mein hai pahlu tumhari taqrir mein hai jadu
phanse na kis tarah dil hamara jahan hon ye pech-dar baaten
بری بلا ہے یہ داغؔ پر فن تم اس کو ہرگز نہ منہ لگانا
وگرنہ ڈھب پر لگا ہی لے گا سنیں اگر اس کی چار باتیں
buri bala hai ye Dagh-e-pur-fan tum us ko hargiz na munh lagana
vagarna Dhab par laga hi lega sunen agar us ki chaar baaten
