کچھ اور دل لگی نہیں اس بد نصیب سے
ہم جانتے ہیں کھیلتے ہو تم رقیب سے
kuchh aur dil-lagi nahin us bad-nasib se
hum jaante hain khelte ho tum raqib se
میں بد گمانیوں کا بھی ممنون ہو گیا
وہ حال پوچھ لیتے ہیں میرا طبیب سے
main bad-gumaniyon ka bhi mamnun ho gaya
vo haal puchh lete hain mera tabib se
دشمن بنائے ہیں مری قسمت نے سینکڑوں
چاہا ہے تجھ کو خلق نے میرے نصیب سے
dushman banae hain miri qismat ne sainkadon
chaha hai tujh ko khalq ne mere nasib se
اے ناصح شفیق رہے کچھ تو چھیڑ چھاڑ
ذکر حبیب کم نہیں وصل حبیب سے
ai naseh-e-shafiq rahe kuchh to chhed-chhad
zikr-e-habib kam nahin vasl-e-habib se
مانند برق مثل ہوا صورت نگاہ
اکثر نکل گئے ہیں وہ میرے قریب سے
manind-e-barq misl-e-hava surat-e-nigah
aksar nikal gae hain vo mere qarib se
پوچھو جناب داغؔ کی ہم سے شرارتیں
کیا سر جھکائے بیٹھے ہیں حضرت غریب سے
puchho janab-e-Dagh ki hum se shararaten
kya sar jhukae baithe hain hazrat gharib se
