اس قدر ناز ہے کیوں آپ کو یکتائی کا
دوسرا نام ہے وہ بھی مری تنہائی کا
Is qadar naaz hai kyun aap ko yaktaai ka
Doosra naam hai vo bhi meri tanhaai ka
جان لے جائے گا آنا شب تنہائی کا
کون اب روکنے والا ہے مری آئی کا
Jaan le jaayega aana shab-e-tanhaai ka
Kaun ab rokne waala hai meri aai ka
ہر گلی کوچے میں پامال اسے ہو جانا
دل ہے یا نقش قدم ہے کسی ہرجائی کا
Har gali kooche mein paamaal use ho jaana
Dil hai ya naqsh-e-qadam hai kisi harjaai ka
اس ادب سے تہہ شمشیر تڑپنا اے دل
کہ گماں تیری تپش پر ہو شکیبائی کا
Is adab se tah-e-shamsheer tadapna ai dil
Ki gumaan teri tapish par ho shakebaai ka
فتنے بھی قاعدے سے اٹھتے ہیں جب اٹھتے ہیں
کیا سلیقہ ہے تمہیں انجمن آرائی کا
Fitne bhi qaayde se uthte hain jab uthte hain
Kya saliqa hai tumhen anjuman-aaraai ka
وہ یہ کہتے ہیں مرا صبر پڑے گا تجھ پر
اب مجھے رنج نہیں اپنی شکیبائی کا
Vo ye kahte hain mera sabr padega tujh par
Ab mujhe ranj nahin apni shakebaai ka
کیا غرض ہے مری تقدیر کو مجھ سے پوچھے
آبرو کا ہے طلب گار کہ رسوائی کا
Kya gharaz hai meri taqdir ko mujh se poochhe
Aabru ka hai talabgaar ki rusvaai ka
واں شب وعدہ ملی پاؤں میں مہندی اس نے
یاں کلیجا کوئی ملتا ہے تمنائی کا
Vaan shab-e-waada mali paaon mein mehndi us ne
Yaan kaleja koi malta hai tamannaai ka
رات بھر شمع رہی ہجر میں وہ بھی خاموش
ملتجی تھا تری تصویر سے گویائی کا
Raat bhar shama rahi hijr mein vo bhi khaamosh
Multaji tha teri tasveer se goyaai ka
ہو گیا پرتو رخسار سے کچھ اور ہی رنگ
میں نے منہ چوم لیا اس کے تماشائی کا
Ho gaya partav-e-rukhsaar se kuchh aur hi rang
Main ne munh choom liya us ke tamaashaai ka
تھم گئے جم گئے آنکھوں میں لہو کے قطرے
خون ظاہر ہے مرے صبر و شکیبائی کا
Tham gaye jam gaye aankhon mein lahu ke qatre
Khoon zaahir hai mere sabr-o-shakebaai ka
