دل مبتلائے لذت آزار ہی رہا
مرنا فراق یار میں دشوار ہی رہا
Dil mubtala-e-lazzat-e-aazaar hi raha
Marna firaaq-e-yaar mein dushwaar hi raha
ہر دم یہ شوق تھا اسے قربان کیجئے
میں وصل میں بھی جان سے بے زار ہی رہا
Har dam ye shauq tha use qurbaan kijiye
Main vasl mein bhi jaan se be-zaar hi raha
ہوتی ہیں ہر طرح سے مری پاسداریاں
دشمن کے پاس بھی وہ مرا یار ہی رہا
Hoti hain har tarah se meri paasdaariyaan
Dushman ke paas bhi vo mera yaar hi raha
دن پہلوؤں سے ٹال دیا کچھ نہ کہہ سکے
ہر چند ان کو وصل کا انکار ہی رہا
Din pahluon se taal diya kuchh na kah sake
Har chand un ko vasl ka inkaar hi raha
دیکھیں ہزار رشک مسیحا کی صورتیں
اچھا رہا جو عشق کا بیمار ہی رہا
Dekhen hazaar rashk-e-maseeha ki suraten
Achchha raha jo ishq ka beemaar hi raha
صدقے میں تم نے چھوڑ دیے ہیں بہت اسیر
میں بھی رہا ہوا کہ گرفتار ہی رہا
Sadqe mein tum ne chhod diye hain bahut aseer
Main bhi riha hua ki giraftaar hi raha
لذت وفا میں ہے نہ کسی کی جفا میں ہے
دل دار ہی رہا نہ دل آزار ہی رہا
Lazzat wafa mein hai na kisi ki jafa mein hai
Dildaar hi raha na dil-aazaar hi raha
جلوہ کے بعد وصل کی خواہش ضرور تھی
وہ کیا رہا جو عاشق دیدار ہی رہا
Jalwa ke baad vasl ki khwaahish zaroor thi
Vo kya raha jo aashiq-e-deedaar hi raha
کہتے ہیں جل کے غیر محبت سے داغؔ کی
معشوق اس کے پاس وفادار ہی رہا
Kahte hain jal ke ghair mohabbat se Dagh ki
Maashooq us ke paas wafaadaar hi raha
