دل ناکام کے ہیں کام خراب
کر لیا عاشقی میں نام خراب
Dil-e-naakaam ke hain kaam kharaab
Kar liya aashiqi mein naam kharaab
اس خرابات کا یہی ہے مزہ
کہ رہے آدمی مدام خراب
Is kharaabaat ka yahi hai maza
Ki rahe aadmi mudaam kharaab
دیکھ کر جنس دل وہ کہتے ہیں
کیوں کرے کوئی اپنے دام خراب
Dekh kar jins-e-dil vo kahte hain
Kyun kare koi apne daam kharaab
ابر تر سے صبا ہی اچھی تھی
میری مٹی ہوئی تمام خراب
Abr-e-tar se saba hi achchhi thi
Meri miTTi hui tamaam kharaab
وہ بھی ساقی مجھے نہیں دیتا
وہ جو ٹوٹا پڑا ہے جام خراب
Vo bhi saaqi mujhe nahin deta
Vo jo TooTa paDa hai jaam kharaab
کیا ملا ہم کو زندگی کے سوا
وہ بھی دشوار ناتمام خراب
Kya mila ham ko zindagi ke siva
Vo bhi dushvaar naa-tamaam kharaab
واہ کیا منہ سے پھول جھڑتے ہیں
خوب رو ہو کے یہ کلام خراب
Vaah kya munh se phool jhaDte hain
Khoob-ru ho ke ye kalaam kharaab
چال کی رہنمائے عشق نے بھی
وہ دکھایا جو تھا مقام خراب
Chaal ki rahnuma-e-ishq ne bhi
Vo dikhaaya jo tha maqaam kharaab
داغؔ ہے بدچلن تو ہونے دو
سو میں ہوتا ہے اک غلام خراب
Dagh hai bad-chalan to hone do
Sau mein hota hai ik ghulaam kharaab
