کوئی محرم نہیں ملتا جہاں میں
مجھے کہنا ہے کچھ اپنی زباں میں
koi mahram nahin milta jahan mein
mujhe kahna hai kuchh apni zaban mein
قفس میں جی نہیں لگتا کسی طرح
لگا دو آگ کوئی آشیاں میں
qafas mein ji nahin lagta kisi tarah
laga do aag koi aashiyan mein
کوئی دن بوالہوس بھی شاد ہو لیں
دھرا کیا ہے اشارات نہاں میں
koi din bulhavas bhi shad ho len
dhara kya hai isharat-e-nihan mein
کہیں انجام آ پہنچا وفا کا
گھلا جاتا ہوں اب کے امتحاں میں
kahin anjam aa pahuncha vafa ka
ghula jaata hun ab ke imtihan mein
نیا ہے لیجئے جب نام اس کا
بہت وسعت ہے میری داستاں میں
naya hai lijiye jab naam us ka
bahut vus'at hai meri dastan mein
دل پر درد سے کچھ کام لوں گا
اگر فرصت ملی مجھ کو جہاں میں
dil-e-pur-dard se kuchh kaam lunga
agar fursat mili mujh ko jahan mein
بہت جی خوش ہوا حالیؔ سے مل کر
ابھی کچھ لوگ باقی ہیں جہاں میں
bahut ji khush hua Hali se mil kar
abhi kuchh log baqi hain jahan mein
