جنوں کار فرما ہوا چاہتا ہے
قدم دشت پیما ہوا چاہتا ہے
junun kar-farma hua chahta hai
qadam dasht-paima hua chahta hai
دم گریہ کس کا تصور ہے دل میں
کہ اشک اشک دریا ہوا چاہتا ہے
dam-e-girya kis ka tasavvur hai dil mein
ki ashk ashk dariya hua chahta hai
خط آنے لگے شکوہ آمیز ان کے
ملاپ ان سے گویا ہوا چاہتا ہے
khat aane lage shikva-amez un ke
milap un se goya hua chahta hai
بہت کام لینے تھے جس دل سے ہم کو
وہ صرف تمنا ہوا چاہتا ہے
bahut kaam lene the jis dil se hum ko
vo sarf-e-tamanna hua chahta hai
ابھی لینے پائے نہیں دم جہاں میں
اجل کا تقاضا ہوا چاہتا ہے
abhi lene paae nahin dam jahan mein
ajal ka taqaza hua chahta hai
مجھے کل کے وعدے پہ کرتے ہیں رخصت
کوئی وعدہ پورا ہوا چاہتا ہے
mujhe kal ke vaade pe karte hain rukhsat
koi vaada pura hua chahta hai
قلق گر یہی ہے تو راز نہانی
کوئی دن میں رسوا ہوا چاہتا ہے
qalaq gar yahi hai to raaz-e-nihani
koi din mein rusva hua chahta hai
وفا شرط الفت ہے لیکن کہاں تک؟
دل اپنا بھی تجھ سا ہوا چاہتا ہے
vafa shart-e-ulfat hai lekin kahan tak?
dil apna bhi tujh sa hua chahta hai
بہت حظ اٹھاتا ہے دل تجھ سے مل کر
قلق دیکھیے کیا ہوا چاہتا ہے
bahut hazz uthata hai dil tujh se mil kar
qalaq dekhiye kya hua chahta hai
غم رشک کو تلخ سمجھے تھے ہمدم
سو وہ بھی گوارا ہوا چاہتا ہے
gham-e-rashk ko talkh samjhe the hamdam
so vo bhi gavara hua chahta hai
بہت چین سے دن گزرتے ہیں حالیؔ
کوئی فتنہ برپا ہوا چاہتا ہے
bahut chain se din guzarte hain Hali
koi fitna barpa hua chahta hai
