حق وفا کے جو ہم جتانے لگے
آپ کچھ کہہ کے مسکرانے لگے
Haq wafa ke jo hum jatane lage
Aap kuchh kah ke muskurane lage
تھا یہاں دل میں طعن وصل عدو
عذر ان کی زباں پہ آنے لگے
Tha yahan dil mein ta'n-e-wasl-e-adoo
Uzr un ki zaban pe aane lage
ہم کو جینا پڑے گا فرقت میں
وہ اگر ہمت آزمانے لگے
Hum ko jeena padega furqat mein
Wo agar himmat azmane lage
ڈر ہے میری زباں نہ کھل جائے
اب وہ باتیں بہت بنانے لگے
Dar hai meri zaban na khul jaye
Ab wo baaten bahut banane lage
جان بچتی نظر نہیں آتی
غیر الفت بہت جتانے لگے
Jaan bachti nazar nahin aati
Ghair ulfat bahut jatane lage
تم کو کرنا پڑے گا عذر جفا
ہم اگر درد دل سنانے لگے
Tum ko karna padega uzr-e-jafa
Hum agar dard-e-dil sunane lage
سخت مشکل ہے شیوۂ تسلیم
ہم بھی آخر کو جی چرانے لگے
Sakht mushkil hai shewa-e-tasleem
Hum bhi aakhir ko ji churane lage
وقت رخصت تھا سخت حالیؔ پر
ہم بھی بیٹھے تھے جب وہ جانے لگے
Waqt-e-rukhsat tha sakht Hali par
Hum bhi baithe the jab wo jaane lage
