نویدِ امن ہے بیدادِ دوست جاں کے لیے
رہی نہ طرزِ ستم کوئی آسماں کے لیے
Navid-e-amn hai bedad-e-dost jaan ke liye
Rahi na tarz-e-sitam koi aasman ke liye
رہا بلا میں بھی میں مبتلائے آفتِ رشک
بلائے جاں ہے ادا تیری اک جہاں کے لیے
Raha bala mein bhi main mubtala-e-aafat-e-rashk
Bala-e-jaan hai ada teri ik jahan ke liye
فلک نہ دور رکھ اس سے مجھے کہ میں ہی نہیں
دراز دستئ قاتل کے امتحاں کے لیے
Falak na door rakh us se mujhe ki main hi nahin
Daraz-dasti-e-qatil ke imtihan ke liye
مثال یہ مری کوشش کی ہے کہ مرغِ اسیر
کرے قفس میں فراہم خس آشیاں کے لیے
Misal ye meri koshish ki hai ki murgh-e-asir
Kare qafas mein faraham khas aashiyan ke liye
بہ قدرِ شوق نہیں ظرفِ تنگنائے غزل
کچھ اور چاہیے وسعت مرے بیاں کے لیے
Ba-qadr-e-shauq nahin zarf-e-tangna-e-ghazal
Kuchh aur chahiye wus'at mere bayan ke liye
دیا ہے خلق کو بھی تا اسے نظر نہ لگے
بنا ہے عیش تجمل حسین خاں کے لیے
Diya hai khalq ko bhi ta use nazar na lage
Bana hai aish Tajammul Husain Khan ke liye
زباں پہ بارِ خدایا یہ کس کا نام آیا
کہ میرے نطق نے بوسے مری زباں کے لیے
Zaban pe bar-e-khudaya ye kis ka naam aaya
Ki mere nutq ne bose meri zaban ke liye
نصیرِ دولت و دیں اور معینِ ملت و ملک
بنا ہے چرخِ بریں جس کے آستاں کے لیے
Nasir-e-daulat o din aur mu'in-e-millat o mulk
Bana hai charkh-e-barin jis ke aastan ke liye
زمانہ عہد میں اس کے ہے محوِ آرائش
بنیں گے اور ستارے اب آسماں کے لیے
Zamana ahd mein us ke hai mahv-e-aaraish
Banenge aur sitare ab aasman ke liye
ورق تمام ہوا اور مدح باقی ہے
سفینہ چاہیے اس بحرِ بیکراں کے لیے
Waraq tamam hua aur madh baqi hai
Safina chahiye is bahr-e-bekaran ke liye
ادائے خاص سے غالبؔ ہوا ہے نکتہ سرا
صلائے عام ہے یارانِ نکتہ داں کے لیے
Ada-e-khas se Ghalib hua hai nukta-sara
Sala-e-aam hai yaran-e-nukta-dan ke liye
