مژدہ، اے ذوقِ اسیری! کہ نظر آتا ہے
دامِ خالی، قفسِ مرغِ گرفتار کے پاس
Muzhda, ai zauq-e-asiri! ki nazar aata hai
Dam-e-khali, qafas-e-murgh-e-giraftar ke paas
جگرِ تشنۂ آزار، تسلی نہ ہوا
جوئے خوں ہم نے بہائی بُنِ ہر خار کے پاس
Jigar-e-tishna-e-aazar, tasalli na hua
Ju-e-khun hum ne bahai bun-e-har khar ke paas
مُند گئیں کھولتے ہی کھولتے آنکھیں ہے ہے!
خوب وقت آئے تم اس عاشقِ بیمار کے پاس
Mund gain kholte hi kholte aankhen hai hai!
Khub waqt aaye tum is aashiq-e-bimar ke paas
میں بھی رُک رُک کے نہ مرتا، جو زباں کے بدلے
دشنہ اِک تیز سا ہوتا مرے غمخوار کے پاس
Main bhi ruk ruk ke na marta, jo zaban ke badle
Dashna ik tez sa hota mere gham-khwar ke paas
دہنِ شیر میں جا بیٹھیے، لیکن اے دل
نہ کھڑے ہوجیے خوبانِ دل آزار کے پاس
Dahan-e-sher mein ja baithiye, lekin ai dil
Na khade hojiye khuban-e-dil-aazar ke paas
دیکھ کر تجھ کو، چمن بسکہ نُمو کرتا ہے
خود بخود پہنچے ہے گُل گوشۂ دستار کے پاس
Dekh kar tujh ko, chaman baski numu karta hai
Khud-ba-khud pahunche hai gul gosha-e-dastar ke paas
مر گیا پھوڑ کے سر غالبِ وحشی، ہے ہے!
بیٹھنا اُس کا وہ، آ کر، تری دیوار کے پاس
Mar gaya phod ke sar Ghalib-e-wahshi, hai hai!
Baithna us ka woh, aa kar, teri diwar ke paas
