کیوں جل گیا نہ، تابِ رخِ یار دیکھ کر
جلتا ہوں اپنی طاقتِ دیدار دیکھ کر
Kyun jal gaya na, tab-e-rukh-e-yaar dekh kar
Jalta hun apni taqat-e-didar dekh kar
کیا آبروئے عشق، جہاں عام ہو جفا
رکتا ہوں تم کو بے سبب آزار دیکھ کر
Kya aabru-e-ishq, jahan aam ho jafa
Rukta hun tum ko be-sabab aazar dekh kar
آتا ہے میرے قتل کو پَر جوشِ رشک سے
مرتا ہوں اس کے ہاتھ میں تلوار دیکھ کر
Aata hai mere qatl ko par josh-e-rashk se
Marta hun us ke hath mein talwar dekh kar
ثابت ہوا ہے گردنِ مینا پہ خونِ خلق
لرزے ہے موجِ مے تری رفتار دیکھ کر
Sabit hua hai gardan-e-mina pe khun-e-khalq
Larze hai mauj-e-mai teri raftar dekh kar
وا حسرتا کہ یار نے کھینچا ستم سے ہاتھ
ہم کو حریصِ لذّتِ آزار دیکھ کر
Wa-hasrata ki yaar ne khincha sitam se hath
Hum ko haris-e-lazzat-e-aazar dekh kar
بِک جاتے ہیں ہم آپ، متاعِ سخن کے ساتھ
لیکن عیارِ طبعِ خریدار دیکھ کر
Bik jate hain hum aap, mata-e-sukhan ke sath
Lekin ayar-e-tab-e-kharidar dekh kar
ان آبلوں سے پاؤں کے گھبرا گیا تھا میں
جی خوش ہوا ہے راہ کو پُر خار دیکھ کر
In aablon se paon ke ghabra gaya tha main
Ji khush hua hai rah ko pur-khar dekh kar
کیا بد گماں ہے مجھ سے، کہ آئینے میں مرے
طوطی کا عکس سمجھے ہے زنگار دیکھ کر
Kya bad-guman hai mujh se, ki aaine mein mere
Tuti ka aks samjhe hai zangar dekh kar
گرنی تھی ہم پہ برقِ تجلّی، نہ طور پر
دیتے ہیں بادہ ظرفِ قدح خوار دیکھ کر
Girni thi hum pe barq-e-tajalli, na Tur par
Dete hain bada zarf-e-qadah-khwar dekh kar
سر پھوڑنا وہ! غالبِ شوریدہ حال کا
یاد آ گیا مجھے تری دیوار دیکھ کر
Sar phodna woh! Ghalib-e-shorida-hal ka
Yaad aa gaya mujhe teri diwar dekh kar
