کوئی امید بر نہیں آتی
کوئی صورت نظر نہیں آتی
Koi ummeed bar nahin aati
Koi surat nazar nahin aati
موت کا ایک دن معین ہے
نیند کیوں رات بھر نہیں آتی
Maut ka ek din mu'ayyan hai
Neend kyun raat bhar nahin aati
ہے کچھ ایسی ہی بات جو چپ ہوں
ورنہ کیا بات کر نہیں آتی
Hai kuchh aisi hi baat jo chup hoon
Warna kya baat kar nahin aati
کیوں نہ چیخوں کہ یاد کرتے ہیں
میری آواز گر نہیں آتی
Kyun na cheekhun ki yaad karte hain
Meri aawaz gar nahin aati
داغ دل گر نظر نہیں آتا
بو بھی اے چارہ گر نہیں آتی
Daagh-e-dil gar nazar nahin aata
Bu bhi ae chara-gar nahin aati
ہم وہاں ہیں جہاں سے ہم کو بھی
کچھ ہماری خبر نہیں آتی
Hum wahan hain jahan se hum ko bhi
Kuchh hamari khabar nahin aati
مرتے ہیں آرزو میں مرنے کی
موت آتی ہے پر نہیں آتی
Marte hain aarzoo mein marne ki
Maut aati hai par nahin aati
