میرے سنگ مزار پر فرہاد
رکھ کے تیشہ کہے ہے یا استاد
Mere sang-e-mazar par Farhad
Rakh ke tesha kahe hai ya ustad
ہم سے بن مرگ کیا جدا ہو ملال
جان کے ساتھ ہے دل ناشاد
Hum se bin marg kya juda ho malal
Jaan ke saath hai dil-e-nashad
موند آنکھیں سفر عدم کا کر
بس ہے دیکھا نہ عالم ایجاد
Moond aankhen safar adam ka kar
Bas hai dekha na aalam-e-ijad
فکر تعمیر میں نہ رہ منعم
زندگانی کی کچھ بھی ہے بنیاد
Fikr-e-tameer mein na reh mun'im
Zindagani ki kuchh bhi hai buniyad
خاک بھی سر پہ ڈالنے کو نہیں
کس خرابے میں ہم ہوئے آباد
Khaak bhi sar pe daalne ko nahin
Kis kharabe mein hum hue aabad
سنتے ہو ٹک سنو کہ پھر مجھ بعد
نہ سنوگے یہ نالہ و فریاد
Sunte ho tuk suno ki phir mujh baad
Na sunoge ye nala-o-faryad
تیرے قید قفس کا کیا شکوہ
نالے اپنے سے اپنے سے فریاد
Tere qaid-e-qafas ka kya shikwa
Naale apne se apne se faryad
ہر طرف ہیں اسیر ہم آواز
باغ ہے گھر ترا تو اے صیاد
Har taraf hain aseer hum-awaz
Bagh hai ghar tera to ae sayyad
ہم کو مرنا یہ ہے کہ کب ہوں کہیں
اپنی قید حیات سے آزاد
Hum ko marna ye hai ki kab hon kahin
Apni qaid-e-hayat se azad
ایسا وہ شوخ ہے کہ اٹھتے صبح
جانا سو جائے اس کی ہے معتاد
Aisa woh shokh hai ki uthte subh
Jaana so jaa-e us ki hai mu'taad
نہیں صورت پذیر نقش اس کا
یوں ہی تصدیق کھینچے ہے بہزاد
Nahin soorat-pazeer naqsh us ka
Yun hi tasdeeq khainche hai Behzad
نامرادی ہو جس پہ پروانہ
وہ جلاتا پھرے چراغ مراد
Na-muradi ho jis pe parwana
Woh jalata phire chiragh-e-murad
