امیروں تک رسائی ہو چکی بس
مری بخت آزمائی ہو چکی بس
amiron tak rasai ho chuki bas
miri bakht-azmai ho chuki bas
بہار اب کے بھی جو گزری قفس میں
تو پھر اپنی رہائی ہو چکی بس
bahar ab ke bhi jo guzri qafas mein
to phir apni rihai ho chuki bas
کہاں تک اس سے قصہ قضیہ ہر شب
بہت باہم لڑائی ہو چکی بس
kahan tak us se qissa qaziya har shab
bahut baham ladai ho chuki bas
نہ آیا وہ مرے جاتے جہاں سے
یہیں تک آشنائی ہو چکی بس
na aaya vo mire jaate jahan se
yahin tak aashnai ho chuki bas
لگا ہے حوصلہ بھی کرنے تنگی
غموں کی اب سمائی ہو چکی بس
laga hai hausla bhi karne tangi
ghamon ki ab samai ho chuki bas
برابر خاک کے تو کر دکھایا
فلک بس بے ادائی ہو چکی بس
barabar khak ke to kar dikhaya
falak bas be-adai ho chuki bas
دنی کے پاس کچھ رہتی ہے دولت
ہمارے ہاتھ آئی ہو چکی بس
dani ke paas kuchh rahti hai daulat
hamare haath aai ho chuki bas
شرر کی سی ہے چشمک فرصت عمر
جہاں دے ٹک دکھائی ہو چکی بس
sharar ki si hai chashmak fursat-e-umr
jahan de tuk dikhai ho chuki bas
گلے میں گیروی کفنی ہے اب میرؔ
تمہاری میرزائی ہو چکی بس
gale mein gerui kafni hai ab 'Mir'
tumhari mirzai ho chuki bas
