اب نہیں سینے میں میرے جائے داغ
سوز دل سے داغ ہے بالائے داغ
ab nahin sine mein mere ja-e-daagh
soz-e-dil se daagh hai bala-e-daagh
دل جلا آنکھیں جلیں جی جل گیا
عشق نے کیا کیا ہمیں دکھلائے داغ
dil jala aankhen jalin ji jal gaya
ishq ne kya kya hamen dikhlaye daagh
دل جگر جل کر ہوئے ہیں دونوں ایک
درمیاں آیا ہے جب سے پائے داغ
dil jigar jal kar hue hain donon ek
darmiyan aaya hai jab se pa-e-daagh
منفعل ہیں لالہ و شمع و چراغ
ہم نے بھی کیا عاشقی میں کھائے داغ
munfa'il hain lala-o-sham'a-o-chiragh
ham ne bhi kya aashiqi mein khaye daagh
وہ نہیں اب میرؔ جو چھاتی جلے
کھا گیا سارے جگر کو ہائے داغ
vo nahin ab 'Mir' jo chhati jale
kha gaya saare jigar ko haae daagh
