یک ذرۂ زمیں نہیں بے کار باغ کا
یاں جادہ بھی فتیلہ ہے لالے کے داغ کا
Yak zarra-e-zamin nahin be-kar bagh ka
Yaan jaada bhi fatila hai lale ke dagh ka
بے مے کِسے ہے طاقتِ آشوبِ آگہی
کھینچا ہے عجزِ حوصلہ نے خط ایاغ کا
Be-mai kise hai taqat-e-ashob-e-agahi
Khincha hai ijz-e-hausla ne khatt ayagh ka
بُلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
Bulbul ke karobar pa hain khanda-ha-e-gul
Kahte hain jis ko ishq khalal hai dimagh ka
تازہ نہیں ہے نشۂ فکرِ سخن مجھے
تِریاکئِ قدیم ہوں دُودِ چراغ کا
Taza nahin hai nasha-e-fikr-e-sukhan mujhe
Taryaki-e-qadim hun dud-e-chiragh ka
سو بار بندِ عشق سے آزاد ہم ہوئے
پر کیا کریں کہ دل ہی عدو ہے فراغ کا
Sau baar band-e-ishq se azad hum hue
Par kya karen ki dil hi adu hai faragh ka
بے خونِ دل ہے چشم میں موجِ نگہ غبار
یہ مے کدہ خراب ہے مے کے سراغ کا
Be-khun-e-dil hai chashm mein mauj-e-nigah ghubar
Ye mai-kada kharab hai mai ke suragh ka
باغِ شگفتہ تیرا بساطِ نشاطِ دل
ابرِ بہار خمکدہ کِس کے دماغ کا!
Bagh-e-shigufta tera bisat-e-nishat-e-dil
Abr-e-bahar khumkada kis ke dimagh ka!
