شبنم بہ گلِ لالہ نہ خالی ز ادا ہے
داغِ دلِ بے درد نظر گاہِ حیا ہے
Shabnam ba gul-e-lala na khali z ada hai
Dagh-e-dil-e-bedard nazargah-e-haya hai
شعلے سے نہ ہوتی ہوسِ شعلہ نے جو کی
جی کس قدر افسردگئ دل پہ جلا ہے
Shole se na hoti hawas-e-shola ne jo ki
Ji kis qadar afsurdagi-e-dil pe jala hai
تمثال میں تیری ہے وہ شوخی کہ بصد ذوق
آئینہ بہ اندازِ گل آغوش کشا ہے
Timsal mein teri hai wo shokhi ki ba-sad zauq
Aaina ba-andaz-e-gul aghosh-kusha hai
قمری کفِ خاکستر و بلبل قفسِ رنگ
اے نالہ نشانِ جگرِ سوختہ کیا ہے
Qumri kaf-e-khakistar o bulbul qafas-e-rang
Ai nala nishan-e-jigar-e-sokhta kya hai
خو نے تری افسردہ کیا وحشتِ دل کو
معشوقی و بے حوصلگی طرفہ بلا ہے
Khu ne teri afsurda kiya wahshat-e-dil ko
Mashuqi o be-hauslagi turfa bala hai
مجبوری و دعوائے گرفتارئ الفت
دستِ تہِ سنگ آمدہ پیمانِ وفا ہے
Majburi o dawa-e-giraftari-e-ulfat
Dast-e-tah-e-sang aamada paiman-e-wafa hai
معلوم ہوا حالِ شہیدانِ گزشتہ
تیغِ ستم آئینۂ تصویر نما ہے
Maalum hua haal-e-shahidan-e-guzashta
Tegh-e-sitam aaina-e-tasvir-numa hai
اے پرتوِ خورشیدِ جہاں تاب ادھر بھی
سائے کی طرح ہم پہ عجب وقت پڑا ہے
Ai partav-e-khurshid-e-jahan-tab idhar bhi
Saaye ki tarah ham pe ajab waqt pada hai
ناکردہ گناہوں کی بھی حسرت کی ملے داد
یا رب اگر ان کردہ گناہوں کی سزا ہے
Nakarda gunahon ki bhi hasrat ki mile daad
Ya Rab agar in karda gunahon ki saza hai
بیگانگئ خلق سے بیدل نہ ہو غالبؔ
کوئی نہیں تیرا تو مری جان خدا ہے
Begangi-e-khalq se bedil na ho Ghalib
Koi nahin tera to meri jaan Khuda hai
