رُخِ نگار سے ہے سوزِ جاودانیِ شمع
ہوئی ہے آتشِ گُل آبِ زندگانیِ شمع
Rukh-e-nigar se hai soz-e-javedani-e-shama
Hui hai aatish-e-gul aab-e-zindagani-e-shama
زبانِ اہلِ زباں میں ہے مرگِ خاموشی
یہ بات بزم میں روشن ہوئی زبانیِ شمع
Zaban-e-ahl-e-zaban mein hai marg-e-khamoshi
Ye baat bazm mein roshan hui zabani-e-shama
کرے ہے صِرف بہ ایمائے شعلہ قصہ تمام
بہ طرزِ اہلِ فنا ہے فسانہ خوانیِ شمع
Kare hai sirf ba-ima-e-shola qissa tamam
Ba-tarz-e-ahl-e-fana hai fasana-khwani-e-shama
ترے خیال سے رُوح اہتزاز کرتی ہے
بہ جلوہ ریزیِ باد و بہ پرفشانیِ شمع
Tere khayal se ruh ehtizaz karti hai
Ba-jalwa-rezi-e-bad-o-ba-par-fishani-e-shama
نشاطِ داغِ غمِ عشق کی بہار نہ پُوچھ
شگفتگی ہے شہیدِ گُلِ خزانیِ شمع
Nashat-e-dagh-e-gham-e-ishq ki bahar na puchh
Shiguftagi hai shahid-e-gul-e-khizani-e-shama
جلے ہے، دیکھ کے بالینِ یار پر مجھ کو
نہ کیوں ہو دل پہ مرے داغِ بدگمانیِ شمع
Jale hai, dekh ke balin-e-yaar par mujh ko
Na kyun ho dil pe mere dagh-e-bad-gumani-e-shama
