رشک کہتا ہے کہ اس کا غیر سے اخلاص حیف!
عقل کہتی ہے کہ وہ بے مہر کس کا آشنا
Rashk kahta hai ki us ka ghair se ikhlas haif!
Aql kahti hai ki wo be-mehr kis ka ashna
ذرّہ ذرّہ ساغرِ مے خانۂ نیرنگ ہے
گردشِ مجنوں بہ چشمکہاے لیلیٰ آشنا
Zarra zarra saghar-e-mai-khana-e-nairang hai
Gardish-e-Majnun ba-chashmak-ha-e-Laila ashna
شوق ہے ساماں طرازِ نازشِ اربابِ عجز
ذرّہ صحرا دست گاہ و قطرہ دریا آشنا
Shauq hai saman-taraz-e-nazish-e-arbab-e-ijz
Zarra sahra-dastgah o qatra darya-ashna
میں اور ایک آفت کا ٹکڑا وہ دلِ وحشی، کہ ہے
عافیت کا دشمن اور آوارگی کا آشنا
Main aur ek aafat ka TukRa wo dil-e-wahshi, ki hai
Aafiyat ka dushman aur awargi ka ashna
شکوہ سنجِ رشکِ ہم دیگر نہ رہنا چاہیے
میرا زانو مونس اور آئینہ تیرا آشنا
Shikwa-sanj-e-rashk-e-hum-digar na rahna chahiye
Mera zanu mo'nis aur aaina tera ashna
کوہکن نقّاشِ یک تمثالِ شیریں تھا اسد
سنگ سے سر مار کر ہووے نہ پیدا آشنا
Kohkan naqqash-e-yak timsal-e-Shirin tha Asad
Sang se sar maar kar howe na paida ashna
