نقش فریادی ہے کس کی شوخئ تحریر کا
کاغذی ہے پیرہن ہر پیکرِ تصویر کا
Naqsh faryadi hai kis ki shokhi-e-tahrir ka
Kaghazi hai pairahan har paikar-e-tasvir ka
کاوکاوِ سخت جانی ہائے تنہائی نہ پوچھ
صبح کرنا شام کا، لانا ہے جوئے شیر کا
Kav-kav-e-sakht-jani-ha-e-tanhai na puchh
Subh karna sham ka, lana hai ju-e-shir ka
جذبۂ بے اختیارِ شوق دیکھا چاہیے
سینۂ شمشیر سے باہر ہے دم شمشیر کا
Jazba-e-be-ikhtiyar-e-shauq dekha chahiye
Sina-e-shamshir se bahar hai dam shamshir ka
آگہی دامِ شنیدن جس قدر چاہے بچھائے
مدعا عنقا ہے اپنے عالمِ تقریر کا
Agahi dam-e-shunidan jis qadar chahe bichhaye
Mudda anqa hai apne alam-e-taqrir ka
بس کہ ہوں غالب، اسیری میں بھی آتش زیرِ پا
موئے آتش دیدہ ہے حلقہ مری زنجیر کا
Bas-ki hun Ghalib, asiri mein bhi atish zer-e-pa
Mu-e-atish-dida hai halqa miri zanjir ka
