لازم تھا کہ دیکھو مرا رستہ کوئی دِن اور
تنہا گئے کیوں؟ اب رہو تنہا کوئی دن اور
Lazim tha ki dekho mera rasta koi din aur
Tanha gaye kyun? ab raho tanha koi din aur
مٹ جائے گا سَر، گر، ترا پتھر نہ گھِسے گا
ہوں در پہ ترے ناصیہ فرسا کوئی دن اور
Mit jayega sar, gar, tera patthar na ghisega
Hun dar pe tere nasiya-farsa koi din aur
آئے ہو کل اور آج ہی کہتے ہو کہ ’جاؤں؟‘
مانا کہ ہمیشہ نہیں اچھا کوئی دن اور
Aaye ho kal aur aaj hi kahte ho ki 'jaun?'
Mana ki hamesha nahin achchha koi din aur
جاتے ہوئے کہتے ہو ’قیامت کو ملیں گے‘
کیا خوب! قیامت کا ہے گویا کوئی دن اور
Jate hue kahte ho 'qayamat ko milenge'
Kya khub! qayamat ka hai goya koi din aur
ہاں اے فلکِ پیر! جواں تھا ابھی عارف
کیا تیرا بگڑتا جو نہ مرتا کوئی دن اور
Haan ai falak-e-pir! jawan tha abhi Arif
Kya tera bigadta jo na marta koi din aur
تم ماہِ شبِ چار دہم تھے مرے گھر کے
پھر کیوں نہ رہا گھر کا وہ نقشا کوئی دن اور
Tum mah-e-shab-e-char-daham the mere ghar ke
Phir kyun na raha ghar ka woh naqsha koi din aur
تم کون سے ایسے تھے کھرے داد و ستد کے
کرتا ملکُ الموت تقاضا کوئی دن اور
Tum kaun se aise the khare dad-o-sitad ke
Karta malak-ul-maut taqaza koi din aur
مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور
Mujh se tumhen nafrat sahi, Nayyar se ladai
Bachchon ka bhi dekha na tamasha koi din aur
گزری نہ بہرحال یہ مدت خوش و ناخوش
کرنا تھا جواں مرگ گزارا کوئی دن اور
Guzri na baharhaal ye muddat khush-o-nakhush
Karna tha jawan-marg guzara koi din aur
ناداں ہو جو کہتے ہو کہ ’کیوں جیتے ہیں غالب‘
قسمت میں ہے مرنے کی تمنا کوئی دن اور
Nadan ho jo kahte ho ki 'kyun jite hain Ghalib'
Qismat mein hai marne ki tamanna koi din aur
