جور سے باز آئے پر باز آئیں کیا
کہتے ہیں ہم تجھ کو منہ دکھلائیں کیا
Jaur se baaz aaye par baaz aaen kya
Kahte hain hum tujh ko munh dikhlaen kya
رات دن گردش میں ہیں سات آسماں
ہو رہے گا کچھ نہ کچھ گھبرائیں کیا
Raat din gardish mein hain saat aasman
Ho rahega kuchh na kuchh ghabraen kya
لاگ ہو تو اس کو ہم سمجھیں لگاؤ
جب نہ ہو کچھ بھی تو دھوکا کھائیں کیا
Laag ho to us ko hum samjhen lagao
Jab na ho kuchh bhi to dhoka khaen kya
ہو لیے کیوں نامہ بر کے ساتھ ساتھ
یا رب اپنے خط کو ہم پہنچائیں کیا
Ho liye kyun nama-bar ke saath saath
Ya rab apne khat ko hum pahunchaen kya
موجِ خوں سر سے گزر ہی کیوں نہ جائے
آستانِ یار سے اٹھ جائیں کیا
Mauj-e-khun sar se guzar hi kyun na jaaye
Astan-e-yar se uTh jaaen kya
عمر بھر دیکھا کیے مرنے کی راہ
مر گیے پر دیکھیے دکھلائیں کیا
Umr bhar dekha kiye marne ki raah
Mar gaye par dekhiye dikhlaen kya
پوچھتے ہیں وہ کہ غالبؔ کون ہے
کوئی بتلاؤ کہ ہم بتلائیں کیا
Puchhte hain wo ki Ghalib kaun hai
Koi batlao ki hum batlaen kya
