جہاں تیرا نقشِ قدم دیکھتے ہیں
خیاباں خیاباں ارم دیکھتے ہیں
Jahan tera naqsh-e-qadam dekhte hain
Khayaban khayaban Iram dekhte hain
دل آشفتگاں خالِ کنجِ دہن کے
سویدا میں سیرِ عدم دیکھتے ہیں
Dil-ashuftagan khaal-e-kunj-e-dahan ke
Suwaida mein sair-e-adam dekhte hain
ترے سروِ قامت سے اک قدِ آدم
قیامت کے فتنے کو کم دیکھتے ہیں
Tere sarv-e-qamat se ik qadd-e-adam
Qayamat ke fitne ko kam dekhte hain
سراغِ تفِ نالہ لے داغِ دل سے
کہ شب رو کا نقشِ قدم دیکھتے ہیں
Suragh-e-taf-e-naala le daagh-e-dil se
Ki shab-rau ka naqsh-e-qadam dekhte hain
بنا کر فقیروں کا ہم بھیس غالب
تماشائے اہلِ کرم دیکھتے ہیں
Bana kar faqiron ka hum bhes Ghalib
Tamasha-e-ahl-e-karam dekhte hain
