عشق مجھ کو نہیں وحشت ہی سہی
میری وحشت تری شہرت ہی سہی
Ishq mujh ko nahin wahshat hi sahi
Meri wahshat teri shohrat hi sahi
قطع کیجے نہ تعلق ہم سے
کچھ نہیں ہے تو عداوت ہی سہی
Qata kije na ta'alluq hum se
Kuchh nahin hai to adawat hi sahi
میرے ہونے میں ہے کیا رسوائی
اے وہ مجلس نہیں خلوت ہی سہی
Mere hone mein hai kya ruswai
Ae woh majlis nahin khalwat hi sahi
ہم بھی دشمن تو نہیں ہیں اپنے
غیر کو تجھ سے محبت ہی سہی
Hum bhi dushman to nahin hain apne
Ghair ko tujh se mohabbat hi sahi
اپنی ہستی ہی سے ہو جو کچھ ہو
آگہی گر نہیں غفلت ہی سہی
Apni hasti hi se ho jo kuchh ho
Aagahi gar nahin ghaflat hi sahi
عمر ہرچند کہ ہے برق خرام
دل کے خوں کرنے کی فرصت ہی سہی
Umr har-chand ki hai barq-khiram
Dil ke khoon karne ki fursat hi sahi
ہم کوئی ترک وفا کرتے ہیں
نہ سہی عشق مصیبت ہی سہی
Hum koi tark-e-wafa karte hain
Na sahi ishq musibat hi sahi
کچھ تو دے اے فلک ناانصاف
آہ و فریاد کی رخصت ہی سہی
Kuchh to de ae falak-e-na-insaf
Aah-o-faryad ki rukhsat hi sahi
ہم بھی تسلیم کی خو ڈالیں گے
بے نیازی تری عادت ہی سہی
Hum bhi tasleem ki khu daalenge
Be-niyazi teri aadat hi sahi
یار سے چھیڑ چلی جائے اسدؔ
گر نہیں وصل تو حسرت ہی سہی
Yaar se chhed chali jaaye Asad
Gar nahin wasl to hasrat hi sahi
