اس بزم میں مجھے نہیں بنتی حیا کیے
بیٹھا رہا اگرچہ اشارے ہوا کیے
Is bazm mein mujhe nahin banti haya kiye
Baitha raha agarche ishaare hua kiye
دل ہی تو ہے سیاست درباں سے ڈر گیا
میں اور جاؤں در سے ترے بن صدا کیے
Dil hi to hai siyasat-e-darban se dar gaya
Main aur jaaun dar se tere bin sada kiye
بے صرفہ ہی گزرتی ہے ہو گرچہ عمر خضر
حضرت بھی کل کہیں گے کہ ہم کیا کیا کیے
Be-sarfa hi guzarti hai ho garche umr-e-Khizr
Hazrat bhi kal kahenge ki hum kya kiya kiye
مقدور ہو تو خاک سے پوچھوں کہ اے لئیم
تو نے وہ گنج ہائے گراں مایہ کیا کیے
Maqdoor ho to khaak se poochhun ki ae la'eem
Tu ne woh ganj-ha-e-giran-maya kya kiye
کس روز تہمتیں نہ تراشا کیے عدو
کس دن ہمارے سر پہ نہ آرے چلا کیے
Kis roz tohmaten na tarasha kiye adu
Kis din hamare sar pe na aare chala kiye
صحبت میں غیر کی نہ پڑی ہو کہیں یہ خو
دینے لگا ہے بوسہ بغیر التجا کیے
Sohbat mein ghair ki na padi ho kahin ye khu
Dene laga hai bosa baghair iltija kiye
ضد کی ہے اور بات مگر خو بری نہیں
بھولے سے اس نے سیکڑوں وعدے وفا کیے
Zid ki hai aur baat magar khu buri nahin
Bhoole se us ne sainkadon waade wafa kiye
غالبؔ تمہیں کہو کہ ملے گا جواب کیا
مانا کہ تم کہا کیے اور وہ سنا کیے
Ghalib tumhin kaho ki milega jawab kya
Mana ki tum kaha kiye aur woh suna kiye
