ہم پر جفا سے ترکِ وفا کا گماں نہیں
اک چھیڑ ہے وگرنہ مراد امتحاں نہیں
Hum par jafa se tark-e-wafa ka guman nahin
Ik chhed hai wagarna murad imtihan nahin
کس منہ سے شکر کیجئے اس لطفِ خاص کا
پرسش ہے اور پائے سخن درمیاں نہیں
Kis munh se shukr kijiye is lutf-e-khas ka
Pursish hai aur pa-e-sukhan darmiyan nahin
ہم کو ستم عزیز، ستم گر کو ہم عزیز
نا مہرباں نہیں ہے اگر مہرباں نہیں
Hum ko sitam aziz sitamgar ko hum aziz
Na-mehrban nahin hai agar mehrban nahin
بوسہ نہیں، نہ دیجیے دشنام ہی سہی
آخر زباں تو رکھتے ہو تم، گر دہاں نہیں
Bosa nahin na dijiye dushnam hi sahi
Aakhir zaban to rakhte ho tum gar dahan nahin
ہر چند جاں گدازیِ قہر و عتاب ہے
ہر چند پشت گرمیِ تاب و تواں نہیں
Har chand jaan-gudazi-e-qahr-o-itab hai
Har chand pusht-garmi-e-taab-o-tawan nahin
خنجر سے چیر سینہ اگر دل نہ ہو دو نیم
دل میں چھری چبھو مژہ گر خونچکاں نہیں
Khanjar se cheer seena agar dil na ho do-neem
Dil mein chhuri chubho mizha gar khoon-chakan nahin
نقصاں نہیں جنوں میں بلا سے ہو گھر خراب
سو گز زمیں کے بدلے بیاباں گراں نہیں
Nuqsan nahin junoon mein bala se ho ghar kharab
Sau gaz zameen ke badle bayaban giran nahin
جاں ہے بہائے بوسہ ولے کیوں کہے ابھی
غالب کو جانتا ہے کہ وہ نیم جاں نہیں
Jaan hai baha-e-bosa wale kyun kahe abhi
Ghalib ko janta hai ki woh neem-jaan nahin
