گلہ ہے شوق کو دل میں بھی تنگئ جا کا
گہر میں محو ہوا اضطراب دریا کا
Gila hai shauq ko dil mein bhi tangi-e-ja ka
Guhar mein mahv hua iztirab darya ka
یہ جانتا ہوں کہ تو اور پاسخِ مکتوب!
مگر ستم زدہ ہوں ذوقِ خامہ فرسا کا
Ye janta hun ki tu aur pasukh-e-maktub!
Magar sitam-zada hun zauq-e-khama-farsa ka
حنائے پائے خزاں ہے بہار اگر ہے یہی
دوامِ کلفتِ خاطر ہے عیش دنیا کا
Hina-e-pa-e-khizan hai bahar agar hai yahi
Dawam-e-kulfat-e-khatir hai aish duniya ka
غمِ فراق میں تکلیفِ سیرِ باغ نہ دو
مجھے دماغ نہیں خندہ ہائے بے جا کا
Gham-e-firaq mein taklif-e-sair-e-bagh na do
Mujhe dimagh nahin khanda-ha-e-be-ja ka
ہنوز محرمئ حسن کو ترستا ہوں
کرے ہے ہر بُنِ مو کام چشمِ بینا کا
Hanoz mahrami-e-husn ko tarasta hun
Kare hai har bun-e-mu kaam chashm-e-bina ka
دل اس کو، پہلے ہی ناز و ادا سے، دے بیٹھے
ہمیں دماغ کہاں حسن کے تقاضا کا
Dil us ko, pahle hi naz-o-ada se, de baiThe
Hamen dimagh kahan husn ke taqaza ka
نہ کہہ کہ گریہ بہ مقدارِ حسرتِ دل ہے
مری نگاہ میں ہے جمع و خرچ دریا کا
Na kah ki girya ba-miqdar-e-hasrat-e-dil hai
Meri nigah mein hai jama-o-kharch darya ka
فلک کو دیکھ کے کرتا ہوں اُس کو یاد اسدؔ
جفا میں اس کی ہے انداز کارفرما کا
Falak ko dekh ke karta hun us ko yaad Asad
Jafa mein us ki hai andaz kar-farma ka
