دھوتا ہوں جب میں پینے کو اس سیم تن کے پاؤں
رکھتا ہے ضد سے کھینچ کے باہر لگن کے پاؤں
Dhota hoon jab main peene ko us seem-tan ke paon
Rakhta hai zid se kheench ke bahar lagan ke paon
دی سادگی سے جان پڑوں کوہکن کے پاؤں
ہیہات کیوں نہ ٹوٹ گئے پیر زن کے پاؤں
Di sadgi se jaan padun kohkan ke paon
Haihat kyun na toot gaye peer-zan ke paon
بھاگے تھے ہم بہت، سو اسی کی سزا ہے یہ
ہو کر اسیر دابتے ہیں راہ زن کے پاؤں
Bhage the hum bahut so isi ki saza hai ye
Ho kar aseer daabte hain rahzan ke paon
مرہم کی جستجو میں پھرا ہوں جو دور دور
تن سے سوا فگار ہیں اس خستہ تن کے پاؤں
Marham ki justuju mein phira hoon jo door door
Tan se siwa figar hain is khasta-tan ke paon
اللہ رے ذوقِ دشت نوردی کہ بعدِ مرگ
ہلتے ہیں خود بہ خود مرے، اندر کفن کے، پاؤں
Allah re zauq-e-dasht-navardi ki baad-e-marg
Hilte hain khud-ba-khud mere andar kafan ke paon
ہے جوشِ گل بہار میں یاں تک کہ ہر طرف
اڑتے ہوئے الجھتے ہیں مرغِ چمن کے پاؤں
Hai josh-e-gul bahar mein yaan tak ki har taraf
Udte hue ulajhte hain murgh-e-chaman ke paon
غالب مرے کلام میں کیوں کر مزہ نہ ہو
پیتا ہوں دھو کے خسروِ شیریں سخن کے پاؤں
Ghalib mere kalam mein kyunkar maza na ho
Peeta hoon dho ke Khusrau-e-sheeren-sukhan ke paon
