بساطِ عجز میں تھا ایک دل یک قطرہ خوں وہ بھی
سو رہتا ہے بہ اندازِ چکیدن سر نگوں وہ بھی
Bisat-e-ijz mein tha ek dil yak qatra khoon woh bhi
So rahta hai ba-andaz-e-chakidan sar-nigun woh bhi
رہے اس شوخ سے آزردہ ہم چندے تکلّف سے
تکلّف بر طرف، تھا ایک اندازِ جنوں وہ بھی
Rahe us shokh se aazurda hum chande takalluf se
Takalluf bar-taraf tha ek andaz-e-junoon woh bhi
خیالِ مرگ کب تسکیں دلِ آزردہ کو بخشے
مرے دامِ تمنّا میں ہے اک صیدِ زبوں وہ بھی
Khayal-e-marg kab taskeen dil-e-aazurda ko bakhshe
Mere daam-e-tamanna mein hai ik said-e-zaboon woh bhi
نہ کرتا کاش نالہ مجھ کو کیا معلوم تھا ہمدم
کہ ہوگا باعثِ افزائشِ دردِ دروں وہ بھی
Na karta kaash naala mujh ko kya maloom tha hamdam
Ki hoga bais-e-afzaish-e-dard-e-daroon woh bhi
نہ اتنا برّشِ تیغِ جفا پر ناز فرماؤ
مرے دریائے بیتابی میں ہے اک موجِ خوں وہ بھی
Na itna burrish-e-tegh-e-jafa par naz farmao
Mere darya-e-betabi mein hai ik mauj-e-khoon woh bhi
مئے عشرت کی خواہش ساقیِ گردوں سے کیا کیجے
لیے بیٹھا ہے اک دو چار جامِ واژگوں وہ بھی
Mai-e-ishrat ki khwahish saqi-e-gardoon se kya kije
Liye baitha hai ik do chaar jaam-e-wazhgoon woh bhi
مرے دل میں ہے غالب شوقِ وصل و شکوۂ ہجراں
خدا وہ دن کرے جو اس سے میں یہ بھی کہوں، وہ بھی
Mere dil mein hai Ghalib shauq-e-wasl-o-shikwa-e-hijran
Khuda woh din kare jo us se main ye bhi kahun woh bhi
