باغ پا کر خفقانی یہ ڈراتا ہے مجھے
سایۂ شاخِ گل افعی نظر آتا ہے مجھے
Bagh pa kar khafqani ye darata hai mujhe
Saya-e-shakh-e-gul af'i nazar aata hai mujhe
جوہرِ تیغ بہ سر چشمۂ دیگر معلوم
ہوں میں وہ سبزہ کہ زہراب اگاتا ہے مجھے
Jauhar-e-tegh ba-sar chashma-e-digar maalum
Hun main wo sabza ki zahrab ugata hai mujhe
مدعا محوِ تماشائے شکستِ دل ہے
آئنہ خانے میں کوئی لیے جاتا ہے مجھے
Mudda'a mahv-e-tamasha-e-shikast-e-dil hai
Aaina-khane mein koi liye jata hai mujhe
نالہ سرمایۂ یک عالم و عالم کفِ خاک
آسماں بیضۂ قمری نظر آتا ہے مجھے
Nala sarmaya-e-yak aalam o aalam kaf-e-khak
Aasman baiza-e-qumri nazar aata hai mujhe
زندگی میں تو وہ محفل سے اٹھا دیتے تھے
دیکھوں اب مر گئے پر کون اٹھاتا ہے مجھے
Zindagi mein to wo mahfil se utha dete the
Dekhun ab mar gaye par kaun uthata hai mujhe
