آمدِ خط سے ہوا ہے سرد جو بازارِ دوست
دودِ شمعِ کشتہ تھا شاید خطِ رخسارِ دوست
Aamad-e-khat se hua hai sard jo bazar-e-dost
Dud-e-sham-e-kushta tha shayad khat-e-rukhsar-e-dost
اے دلِ ناعاقبت اندیش! ضبطِ شوق کر
کون لا سکتا ہے تابِ جلوۂ دیدارِ دوست
Ai dil-e-na-aqibat-andesh! zabt-e-shauq kar
Kaun la sakta hai tab-e-jalwa-e-didar-e-dost
خانہ ویراں سازیِ حیرت! تماشا کیجیے
صورتِ نقشِ قدم ہوں رفتۂ رفتارِ دوست
Khana-weeran-sazi-e-hairat! tamasha kijiye
Surat-e-naqsh-e-qadam hun rafta-e-raftar-e-dost
عشق میں بیدادِ رشکِ غیر نے مارا مجھے
کُشتۂ دشمن ہوں آخر، گرچہ تھا بیمارِ دوست
Ishq mein bedad-e-rashk-e-ghair ne mara mujhe
Kushta-e-dushman hun aakhir, garche tha bimar-e-dost
چشمِ ما روشن، کہ اس بے درد کا دل شاد ہے
دیدۂ پر خوں ہمارا ساغرِ سرشارِ دوست
Chashm-e-ma roshan, ki us be-dard ka dil shad hai
Dida-e-pur-khun hamara saghar-e-sarshar-e-dost
غیر یوں کرتا ہے میری پرسش اس کے ہجر میں
بے تکلّف دوست ہو جیسے کوئی غم خوارِ دوست
Ghair yun karta hai meri pursish us ke hijr mein
Be-takalluf dost ho jaise koi gham-khwar-e-dost
تاکہ میں جانوں کہ ہے اس کی رسائی واں تلک
مجھ کو دیتا ہے پیامِ وعدۂ دیدارِ دوست
Ta-ki main janun ki hai us ki rasai waan talak
Mujh ko deta hai payam-e-wada-e-didar-e-dost
جب کہ میں کرتا ہوں اپنا شکوۂ ضعفِ دماغ
سَر کرے ہے وہ حدیثِ زلفِ عنبر بارِ دوست
Jab ki main karta hun apna shikwa-e-zof-e-dimagh
Sar kare hai woh hadis-e-zulf-e-ambar-bar-e-dost
چپکے چپکے مجھ کو روتے دیکھ پاتا ہے اگر
ہنس کے کرتا ہے بیانِ شوخیِ گفتارِ دوست
Chupke chupke mujh ko rote dekh pata hai agar
Hans ke karta hai bayan-e-shokhi-e-guftar-e-dost
یہ غزل اپنی، مجھے جی سے پسند آتی ہے آپ
ہے ردیف شعر میں غالب! ز بس تکرارِ دوست
Ye ghazal apni, mujhe ji se pasand aati hai aap
Hai radif-e-sher mein Ghalib! z-bas takrar-e-dost
