آؤ کبھو تو پاس ہمارے بھی ناز سے
کرنا سلوک خوب ہے اہل نیاز سے
aao kabhu to paas hamare bhi naaz se
karna suluk khub hai ahl-e-niyaz se
پھرتے ہو کیا درختوں کے سائے میں دور دور
کر لو موافقت کسو بے برگ و ساز سے
phirte ho kya darakhton ke saye mein door door
kar lo muwafaqat kisu be-barg-o-saz se
ہجراں میں اس کے زندگی کرنا بھلا نہ تھا
کوتاہی جو نہ ہووے یہ عمر دراز سے
hijran mein us ke zindagi karna bhala na tha
kotahi jo na howe ye umr-e-daraz se
کرتا ہے چھید چھید ہمارا جگر تمام
وہ دیکھنا ترا مژۂ نیم باز سے
karta hai chhed chhed hamara jigar tamam
woh dekhna tira mizha-e-neem-baz se
دل پر ہو اختیار تو ہرگز نہ کریے عشق
پرہیز کریے اس مرض جاں گداز سے
dil par ho ikhtiyar to hargiz na kariye ishq
parhez kariye is maraz-e-jaan-gudaz se
آگے بچھا کے نطع کو لاتے تھے تیغ و طشت
کرتے تھے یعنی خون تو اک امتیاز سے
aage bichha ke nat' ko laate the tegh-o-tasht
karte the yaani khoon to ik imtiyaz se
مانع ہوں کیوں کہ گریۂ خونیں کے عشق میں
ہے ربط خاص چشم کو افشائے راز سے
mane' hun kyun ki girya-e-khunin ke ishq mein
hai rabt-e-khas chashm ko ifsha-e-raaz se
